相信大家對於LRP都非常熟悉，屬於開架大品牌。有機會你同我屋企都最少有一支佢哋出過嘅產品。除咗上個星期，佢其中一款抗暗瘡嘅護膚用品受到致癌物質影響外，近排另一熱門產品B5萬用霜在小紅書掀起一個熱潮，好多用家當佢係隔夜面膜用。究竟點解會咁樣做同有無效？

先了解主要成份及佢帶來既功效：
舒緩與修復： 維他命B5 與 積雪草 給與舒緩效果，促進屏障癒合。對於傷口紅腫、暗瘡表皮損傷、有提升癒合嘅功用。
滋潤與保護：乳木果油與二甲基矽酮鎖水，形成保護層。
抗菌與平衡：銅、鋅、錳與益生元複合物抑制細菌，調節微生物群。
當中只有二甲基矽酮（Dimethicone） 是非天然成份。呢個成份相當普遍，屬於潤滑劑嘅一種，極少情況之下有機會會堵塞毛孔。

✔️✔️✔️ 天然成份最少達8成。

乾性皮膚：比較適用。由於佢質地都比較油膩厚身，建議都先放在手中揉搓，簡單壓上面部
油性皮膚：較不建議。不少用家亦有提及原敷一晚後生暗瘡。主要係不能敷得太厚，阻隔住皮膚於夜晚活動時間呼吸，堵塞了毛孔。

整體來說，La Roche-Posay Cicaplast Baume B5+ 萬用修復霜大部分成份都是以 修復、降紅、抗敏、舒緩為主。所以，作為敏感急救的修復霜是佢既強項及定位。而保濕成份只有兩個，亦都都係相對普遍的保濕成份，可以做到基本保濕。如果真係要用嚟做夜敷，盡量都搓得薄啲為佳，給予皮膚能夠活動及呼吸。

亦有不少用家問對於濕疹皮膚有幫助嗎？
有的。濕疹嘅原因好多，對於輕度濕疹症狀來說，能夠起到舒緩作用、亦有輕微舒緩痕癢的效果。

針對用家：0 歲（3個月以上嬰兒）至成人，特別適合乾燥、敏感及受損肌膚使用者。